Бул тууралуу EurasiaPluse маалымат агенттиги билдирди.
Turmush — Ош облусунун Кара-Кулжа районундагы Көк-Арт айылынын Кашка-Суу жайлоосунда белгисиз жарандар эки тоо текени атканы аныкталды. Бул тууралуу NABU Кыргызстан уюмунан билдиришти.
Маалыматка караганда, бул факт NABU Кыргызстан уюмунун «Барс-2» тобу, УКМКнын Чек ара кызматынын кызматкерлери, Жаратылыш ресурстары, экология жана техникалык көзөмөл министрлигинин Ош регионалдык башкармалыгынын Кара-Кулжа жана Алай районундорунун аңчы адистери, Экологиялык техникалык көзөмөл кызматынын тескөөчүлөрү жана «Юг-Эко-Хант» ЖЧКсынын кызматкерлеринин ыкчам алынган маалыматтын негизинде жүргүзгөн атайын рейддин алкагында аныкталган.
«Ушул жылдын 14-май күнү аталган аймакта алынган маалыматты текшерүү учурунда чек ара аймагынан эки тоо текенин эти, баш сөөктөрү табылды. Жыйынтыгында жеринде акт түзүлүп, ал далил буюм катары Кара-Кулжа РИИБге териштирүү максатында өткөрүлүп берилди. Учурда шектүүлөрдү аныктоо иштери жүргүзүлүүдө», – деп айтылат маалыматта.
- Кыргызстандын мыйзамдарына ылайык, бир тоо текени аткан жаранга 20 миң сом административдик айып пул салынып, 300 миң сом доо коюлат.
Сүрөт: akipress.org сайтынан алынды