Бұл туралы EurasiaPluse ақпарат агенттігі хабарлады.
Ухандағы атыс: түнгі базарда екі адам қаза тапты
Сингапурдың беделді «Lianhe Zaobao» басылымы хабарлағандай, 18 мамыр күні кешке Ухан қаласының Цяокоу ауданы Чунжэнь көшесінде орналасқан түнгі базарда атыс оқиғасы болды. Әлеуметтік желілерде тараған видеолардан көрінгендей, шамамен сағат 22:00-де белгісіз біреу бірнеше рет оқ атқан. Оқиға салдарынан екі адам көз жұмды, ал қылмыскер оқиға орнынан қашып кеткен.
Желіде жарияланған бейнежазбалардан атыс орнында қан іздері мен шашылған заттарды көруге болады. Орындықта отырған кәсіпкер бірден оққа ұшып қайтыс болған. Оның қасындағы жүргізушісі де ауыр жарақат алып, оқиға орнында жан тапсырған.
Атыс туралы хабарды растай отырып, Ухан полициясы күдіктінің қолға түскенін мәлімдеді. Алайда басқа ақпараттар әзірге жарияланған жоқ.
Кілтсөздер: Ухан, атыс, түнгі базар, қылмыс, қаза тапты, қауіпсіздік, полиция
Фото: inform.kz сайтынан алынды