ИИМ тергөө кызматтарынын жетекчилерин ротациялады. Тизме

АКИpress –  Бүгүн, 19-майда Ички иштер министрлигинде ички иштер органдарынын жетекчилери үчүн кезексиз коллегиялык жыйын өттү. Анда коллегиянын чечими менен ички иштер органдарынын тергөө кызматтарынын жетекчилери дайындалды, деп билдирди министрликтин басма сөз кызматы.

Тизме:

– милициянын полковниги Мирланбек Насиров ээлеген кызмат ордунан бошотулуп, ИИМдин Тергөө кызматынын башчысынын милдеттерин убактылуу аткармай болду;

– милициянын полковниги Мирбек Исагалиев ИИМдин Тергөө кызматынын өзгөчө маанилүү иштерди тергөө башкармалыгынын башчысынын орун басары болуп дайындалды;

– милициянын полковниги Максат Абдымомунов ИИМдин Тергөө кызматынын өзгөчө маанилүү иштер боюнча башкармалыгынын башчысынын милдеттерин убактылуу аткармай болду;

– милициянын полковниги Урмат Баялиев ИИМдин Тергөө кызматынын контролдоо-методикалык башкармалыгынын башчысы кызматынын башчысы болуп дайындалды;

– милициянын полковниги Альтаир Исмаилов Бишкек ШИИБдин жетекчисинин сотко чейинки өндүрүш боюнча орун басары болуп дайындалды; 

– милициянын полковниги Эшимкан уулу Нурдин Бишкек ШИИБдин тергөө кызматынын башчысынын орун басары кызмат ордуна дайындалды;

– милициянын полковниги Чынарбек Майлыбеков Чүй ОИИБдин башчысынын сотко чейинки өндүрүш боюнча орун басары кызмат ордуна дайындалды;

– милициянын полковниги Сапарбек Аманкулов Ысык-Көл ОИИБдин башчысынын сотко чейинки өндүрүш боюнча орун басары болуп дайындалды;

– милициянын полковниги Азамат Жумабаев Талас ОИИБдин башчысынын сотко чейинки өндүрүш боюнча орун басары болуп дайындалды.

Бул ротация жетекчилер арасында тартипти жана жоопкерчиликти күчөтүү максатын көздөйт.