Бул тууралуу EurasiaPluse маалымат агенттиги билдирди.
Turmush — Жалал-Абад шаарында 3 күндө жол эрежесин одоно бузган айдоочулар дрондун көмөгү менен аныкталып, аларга 1 миллион сомдон ашуун айып пулдар салынды. Мындай маалыматты Жалал-Абад облустук жол кыймылынын коопсуздугун камсыздоо бөлүмүнөн билдиришти.
Маалым болгондой, мындан ары дрондор Бишкек–Ош унаа жолунун 3 участкасында учурулуп турат.
«Акыркы 1 аптадан бери жол кыймылын тескеген инспекторлор Бишкек–Ош унаа жолунда кырсык көп катталган, айдоочулар жол эрежесин көп бузат деген 3 участкада, тагырагы жолдун Сузак, Ноокен жана Токтогул райондорундагы тилкесинде дрондорду учуруп эреже бузган айдоочуларды аныктап, аларга чара көрүп жатышат.
Акыркы 3 күндө эле эрежени одоно бузган 68 айдоочу дрон менен аныкталып, админстративдик протоколдор толтурулду. Аларга салынган айып пулдун жалпы суммасы 1 миллион 20 миң сомду түздү. Ушул тапта сөз болуп жаткан участкаларга дрондун белгиси орнотулду. Мындан ары инспекторлор ошол аймакта тыкыр иш алып барышат», – деп айтылат маалыматта.
Сүрөт: akipress.org сайтынан алынды