Бул тууралуу EurasiaPluse маалымат агенттиги билдирди.
АКИpress – ИИМдин Баңгизаттарды мыйзамсыз жүгүртүүгө каршы күрөшүү кызматынын кызматкерлери Бажы кызматынын жана УКМКнын кызматкерлери менен биргеликте трансулуттук уюшкан кылмыштуу баңги тобунун ишмердүүлүгүнө бөгөт коюшту.
Кызматтын басма сөз кызматы билдиргендей, өлкөнүн түштүгүндө баңгизаттарды чет өлкөдөн алып келип, Кыргызстанга, Борбор Азия жана КМШ өлкөлөрүнө тараткан кылмыштуу топ иштеп жатканы аныкталган.
АКШнын Лос-Анжелес шаарынан келген авиакаттам менен алып келинген жүктү текшерүү учурунда «Манас» бажы постунун кызматкерлери ашкана буюмдарынын астына жашырылган түйүнчөктү табышкан. Ичинен жалпы салмагы 2 кг ашык гибрид марихуана салынган 4 герметикалык вакуумдук баштыктар табылган.
Ош шаарында баңги тобунун 2 мүчөсү: Кыргызстандын жараны З.А.С. жана Россиянын жараны А.М.А. аттуу жарандар кармалды. Кийинчерээк кылмыштуу схеманын уюштуруучусу жана куратору делген Өзбекстандын жараны Т.К.Т. дагы кармалган.
Ош облусундагы эки даректе тинтүү жүргүзүү учурунда атайын жабдуулар менен жабдылган эки баңги лабораториясы аныкталып, жоюлган.
Ошондой эле «Telegram» мессенджеринде иштеген «SAYONARA» лакап аты менен баңгизат сатуу боюнча интернет-дүкөнүнүн ишине бөгөт коюлган.
Юстиция министрлигине караштуу Соттук-эксперттик кызматынын корутундусуна ылайык, мыйзамсыз жүгүртүүдөн:
– 2 кг 858 гр марихуана;
– 586кг 898гр мефедрон;
– 1 тоннадан ашык прекурсорлор алынган.
Тергөө иштери уланууда.
Сүрөт: akipress.org сайтынан алынды