Бұл туралы EurasiaPluse ақпарат агенттігі хабарлады.
Сан-Диегодағы ұшақ апаты: тұрғындар эвакуацияланды
Сан-Диего қаласының Мерфи-Кэнион ауданында бизнес-джет құлап, оқиға орнында нақты зардап шеккендер туралы ақпарат әлі жарияланған жоқ. Ұшақ бортына қанша адамның мінгені де белгісіз. Бұл санаттағы ұшақтар әдетте 6–8 адамды, оның ішінде екі ұшқыш пен бірнеше жолаушыны тасымалдауға арналған.
Апат жергілікті уақыт бойынша таңертең болған. Тұманды ауа райы байқалған. Алдын ала мәліметке сәйкес, құлаған ұшақ тұрғын үй ауданына түсіп, 15 үйге от тиген. Қалалық билік бірнеше квартал тұрғындарын шұғыл эвакуациялады. Өрт сөндіру қызметінің мәліметіне сәйкес, апат орнында реактивті отын төгіліп, бірнеше үйге тікелей зақым келген.
Сан-Диего полициясы қала тұрғындарына апат болған аймаққа бармауға кеңес берді әрі қауіпсіздік шараларын сақтау керектігін ескертті.
Еске салайық, бұған дейін де АҚШ-та авиашоу кезінде ұшақ апаты тіркелген еді.
Кілтсөздер: Сан-Диего, ұшақ апаты, бизнес-джет, апат, авиация, тұрғындар эвакуациясы, өрт, АҚШ
Фото: inform.kz сайтынан алынды