Бул тууралуу EurasiaPluse маалымат агенттиги билдирди.
АКИpress – Кытай Эл Республикасынын Жарандык авиация башкармалыгы жана Аба транспорту ассоциациясынын (КАТА) делегациясы Кыргызстанга иш сапар менен келди. Анын алкагында өлкөнүн авиациялык түзүмдөрүнүн өкүлдөрү менен жолугушуулар өткөнүн Жарандык авиация мамлекеттик агенттиги маалымдады.
Анда тараптар жарандык авиация тармагындагы эки тараптуу кызматташуунун өнүгүү келечегин, стратегиялык өз ара аракеттенүү, авиация коопсуздугу боюнча тажрыйба алмашуу жана жаңы эл аралык каттамдарды ачуу мүмкүнчүлүктөрүн талкуулашкан. Айрыкча «Аба Жибек Жолу» концепциясынын алкагында регионалдык байланыштарды бекемдөөгө багытталган демилгелерге көңүл бурулган.
Кытай тарап өлкөдөгү авиация тармагынын учурдагы өнүгүүсү боюнча маалымат берип, эл аралык авиакаттамдардын активдүү калыбына келтирилишин, жүргүнчү жана жүк ташуунун көлөмүнүн өсүп жатканын белгилеген. Туруктуу логистикалык чынжырларды түзүүнүн жана кызмат көрсөтүүнүн сапатын жогорулатуунун маанилүүлүгү да талкууланган.
Жолугушуунун жүрүшүндө практикалык кызматташуу багыттары да каралып, кыргыз тарап Кашгар багыты боюнча жаңы аба багытынын долбоорун сунуштап, бул демилге кытайлык кесиптештердин кызыгуусун жараткан.
Кытайдан келген делегация кыргыз тарапты быйыл Кытайда өтө турган бир катар маанилүү тармактык иш-чараларга катышууга чакырган.
Сүрөт: akipress.org сайтынан алынды