Бул тууралуу EurasiaPluse маалымат агенттиги билдирди.
Turmush — Кара-Балта шаарында жарандар Калкты тейлөө борборунан (ЦОН) кызмат алууда кыйынчылыктарга туш болуп жатышат.
Шаар тургундарынын айтымында, адистердин кабыл алуусуна талон алуу үчүн борбор ачыла электе эле, 3 саат мурун барууга туура келет. Бирок ошондо да талон ала албай калылуусу толук мүмкүн.
Кара-Балтадагы Калкты тейлөө борборунан маалымдашкандай, 2025-жылдын март айынын аягынан баштап кызматкерлердин саны 7 адамга чейин кыскарган. Мурун 18 адис элди кабыл алып келген. Андан улам, күнүнө тейленүүчү жарандардын саны да азайган. Учурда 200гө чукул адам кабыл алынса, мурда 500гө чейин адам тейленчү.
Буга чейин Turmush басылмасы 20-майдан баштап, Кара-Балтадагы Калкты тейлөө борбору үчүн «Түндүк» системасы аркылуу электрондук кезекке туруу мүмкүнчүлүгү токтотулганын, бул жагдай шаар тургундарынын абалын андан ары оорлотконун жазган.
Жергиликтүү тургундардын айтымында, кээ бирлери таңкы саат 5:00дөн тартып кезекке туруп калышат.
23-май күнү таң эртең менен кезекте турган жарандардын видеосун күбөлөр тартып алышкан.
Сүрөт: akipress.org сайтынан алынды