Бу ҳақда EurasiaPluse ахборот агентлиги хабар берди.
Ўзбекистон президенти расмий ташриф билан Словенияга етиб борди
Венгрияга ташрифини якунлаган Ўзбекистон президенти Словения пойтахти Люблянага етиб борди. У мамлакат раҳбари ва парламенти билан учрашувлар ўтказиб, қўшма бизнес форумида иштирок этиши режалаштирилган.
Люблянада Шавкат Мирзиёевни расмий кутиб олиш маросими бўлиб ўтди
Словения пойтахти Люблянада Шавкат Мирзиёевни расмий кутиб олиш маросими бўлиб ўтди. Расмий маросимдан сўнг «Звезда» боғида Барча урушлар қурбонлари ёдгорлигига гул қўйилди. Фото.
Ўзбекистон Словениянинг «Копер» портидан ЕИ бозорига чиқиш учун логистика ҳаби сифатида фойдаланишни режалаштирмоқда
Ўзбекистон Словениянинг «Копер» порти салоҳиятидан Европа Иттифоқи бозорига чиқиш учун логистика ҳаби сифатида фойдаланиш имкониятларини ўрганади. Бу икки давлат раҳбарлари учрашувида муҳокама қилинди. Шунингдек, меҳнат миграцияси тўғрисидаги битимни тайёрлашга келишиб олинди.
МБ Ўзбекистонда гўшт нархи ошганини қўшни давлатлардаги чекловлар билан боғлади
Март ойида Ўзбекистонда гўшт ойлик 6,1%, йиллик ҳисобда эса 21,6 фоизга қимматлашган. Марказий банк буни қўшни давлатларда экспорт чекловлари ва импорт нархлари ошиши туфайли таклифнинг пасайиши билан изоҳлади. Қозоғистон ва Қирғизистон чорва моллари экспортини чеклаган; гўшт импорти ўсиб бормоқда.
Ўзбекистонга пул ўтказмалари қарийб учдан бир қисмга ошди, МБ 2025 йил учун прогнозни яхшилади
Биринчи чоракда Ўзбекистонга 3,3 млрд доллар пул ўтказмалари келиб тушди — бу ўтган йилга нисбатан 32% га кўп. Марказий банк буни ҳамкор давлатлар валюталарининг мустаҳкамланиши ва даромадлироқ мамлакатларга миграциянинг ўсиши билан боғламоқда. МБ 2025 йил учун пул ўтказмалари прогнозини яхшилади.
«Автоойна» давкомпанияси 200,5 млрд сўмга сотилди. Актив ва харидор ҳақида нималар маълум?
Давактив UzAuto Motors ва бошқа брендлар учун автоойналар ишлаб чиқарувчи «Автоойна»нинг 100% улуши сотилганини эълон қилди. Харидор 200,5 млрд сўм таклиф билан UET Invest бўлди. Танлов ғолиби Янги Тошкент ва бошқа энергетика объектлари қурилишида иштирок этаётган компанияга алоқадор.
Тошкентда уй-жойга инвестициялар даромадлилиги йил давомида 4,5 бараварга камайди — МҲТИ
Апрель якунларига кўра, Тошкент шаҳрида уй-жойга киритилган инвестициялар рентабеллиги 6,2 фоизни ташкил этди — бу ўтган йилга (27,8 фоиз) нисбатан 4,5 баравар паст. Квартираларни ижарага беришдан олинадиган ўртача даромад 10,9 фоиздан 8,1 фоизгача, кўчмас мулк қиймати эса ўртача 2,4 фоизга камайди.
«Қурганларнинг ўзини ҳам каналга тушириш керак, чиқа олармикан?» Бўрижарда чўкаётган қизчани қутқариб ҳалок бўлган эркакнинг яқинлари билан интервью
Тошкентдаги Бўрижар каналига тушиб кетган қизчани қутқаришга шошилиб, чўкиб кетган эркакнинг яқинлари «Газета.uz»га интервью берди. Уларга кўра, фожиадан сўнг ҳукумат оиладан ҳол-аҳвол сўрамаган, канал атрофи эса хавфли бўлиб қолмоқда. «Турмуш ўртоғим ҳалим одам эди», — дейди марҳумнинг рафиқаси.
Ўзбекистонда айрим турдаги тиббиёт ходимларининг ойлик маошлари оширилади
Ўзбекистонда туман (шаҳар) марказий шифохоналарида шифокорларнинг ойлик маошлари 20 фоизга, ўрта тиббиёт ходимлариники эса 10 фоизга оширилади. Шунингдек, сайёр хизмат кўрсатувчи тиббиёт ходимларига ойлик лавозим маоши ёки базавий тариф ставкасининг 50 фоизи миқдорида устама тўланади.
Тошкентда қурилаётган бинонинг 11-қаватида ёнғин содир бўлди
Яшнобод туманида янги қурилаётган кўп қаватли бинонинг 11-қаватида ёнғин келиб чиқди. Ўт ўчирувчилар томонидан соат 13:19 да қуршаб олинган ёнғин 13:43 да ўчирилди. Жароҳатланганлар йўқ.
Ўзбекистонда АЭС учун қуруқ совитиш тизимларини ишлаб чиқариш 2026 йилда бошланади — «Ўзатом» раҳбари
Ўзбекистонда атом электр станцияси учун қуруқ совитиш тизимларини ишлаб чиқариш 2026 йилда бошланиши режалаштирилмоқда, дея маълум қилди «Ўзатом» раҳбари Азим Ахмедхаджаев. Унинг айтишича, Венгрия компанияси келгуси ой маҳаллийлаштириш имкониятларини баҳолаш учун делегация юборади.
Ўзбекистонда Болалар саратони бўйича халқаро академик ҳаб ташкил этилади
2031 йилгача болалар саратонига қарши курашиш стратегияси доирасида Болалар саратони бўйича халқаро академик ҳаб ташкил этилади. У Европанинг етакчи университетлари клиникалари кўмагида Болалар онкологияси, гематологияси ва иммунологияси илмий-амалий тиббиёт маркази ҳузурида очилади.
Венгрия Ўзбекистонга ҳаво эркинлигининг бешинчи даражасини берди
Ўзбекистон ва Венгрия авиация ва логистика соҳасидаги ҳамкорликни мустаҳкамлайди. Транспорт вазири ўринбосарига кўра, Wizz Air ва Hungarian Тошкент-Будапешт рейсларига қизиқмоқда, Ўзбекистон авиакомпаниялари эса Венгрия берган ҳаво эркинлиги бешинчи даражаси билан янги йўналишларни ишга туширмоқчи.
Аҳолига оилавий шифокорни эркин танлаш ҳуқуқи берилади
Ўзбекистонда Соғлиқни сақлаш тизимини ташкил этишнинг янги модели жорий этилади. Оилавий поликлиникаларда тиббиёт ходимлари фақат тўлиқ ставкада фаолият юритади. Аҳолига оилавий шифокорни эркин танлаш ҳуқуқи берилади.
Green University негизида Марказий Осиё экология ва атроф-муҳитни ўрганиш илмий-тадқиқот маркази очилади
Ўзбекистонда Green University негизида Хитой билан ҳамкорликда Марказий Осиё экология тадқиқот маркази ташкил этилади. У қўшма илмий тадқиқотлар, мутахассислар тайёрлаш ва технологиялар алмашиш учун платформа бўлиши кутилмоқда.
Тошкентда Николай Жарскийнинг учта мозаикаси бўёқлардан тозаланди
Пойтахтнинг Шайхонтоҳур ва Учтепа туманларида Николай Жарскийнинг учта мозаикаси бўёқдан тозаланди. 1970-йиллардан бери турар жой биноларини безаб келган монументал санъат асарлари 2021 йилда «Обод маҳалла» дастури доирасида бўялганди.
Москва ва Москва вилоятидаги хорижликлар илова орқали назорат қилинади
Москва ва Москва вилоятидаги мигрантлар сентябрдан мобил илова, шунингдек, телефонлари геолокацияси бўйича кузатиб борилади. Тажриба 2029 йил 1 сентябргача давом этади. Бунда чет элликлар иловада рўйхатдан ўтиши, шахсий маълумотлари ва геолокацияси қайта ишланишига розилик бериши талаб этилади.
Трамп биринчи марта Путин урушни тугатишга тайёр эмаслигини тан олди — WSJ
АҚШ президенти Дональд Трамп Россия президенти билан суҳбатдан сўнг Европа етакчиларига Владимир Путин Украинадаги урушни тугатишга тайёр эмаслигини айтган. Илгари Трамп Путин чин дилдан тинчлик истаётганини бир неча бор билдириб, Кремлга босимни кучайтиришдан бош тортганди.
Бизни ўқиётганингиз учун раҳмат!
Фото: gazeta.uz сайтидан олинди