Бул тууралуу EurasiaPluse маалымат агенттиги билдирди.
Turmush — Жалал-Абад облусунда 44 мектепте видеокамералар орнотула элек. Бул тууралуу 2025-жылдын биринчи кварталын жыйынтыктаган облусттук коллегияда айтылды.
Маалым болгондой, дубанда кылмыштуулукту болтурбоо, балдарды көзөмөлгө алуу багытында мектептерде видеокамераларды орнотуу жумушу колго алынган. Тактап айтканда, облуста 441 мектепте демөөрчүлөрдүн, ата-энелердин жана жергиликтүү бюджеттин эсебинен каржыланып камералар орнотулган. Ал эми 44 мектепке орнотула элек. Маселен Сузак районунда 14, Жалал-Абад шаарында 12, Аксы районунда 5, Ноокен районунда 4, Майлуу-Суу шаарында 3, Таш-Көмүр шаарында 2, Ала-Бука районунда 2 мектеп бар.
2024-2025-окуу жылына карата облустун жалпы билим берүү мектептеринде 17 минден ашуун мугалим эмгектенет. Дубанда 43 мугалим жетишпейт.
Облустун аймагында 474 бала бакча иштеп, жалпы 56 миңден ашуун тарбияланат. Анын ичинен 265 бала бакчада видеокамералар коюлган.
Сүрөт: akipress.org сайтынан алынды