Бұл туралы EurasiaPluse ақпарат агенттігі хабарлады.
Пәкістанның Пенджаб провинциясында болған күшті дауыл салдарынан ескі және қараусыз қалған ғимараттардың құлауынан 10 адам қаза тауып, 45 адам түрлі жарақат алды. Табиғи апат әсіресе Джелум, Лахор, Равалпинди, Шейхупура, Нанкана Сахиб, Сиалкот және Мианвали қалаларына айтарлықтай шығын келтірді. Лахордың көптеген аудандарында қатты жел ағаштарды тамырымен жұлып, үйлерге, дүкендер мен көліктерге зақым келтірді.
Пәкістан билігі зардап шеккендердің отбасыларына материалдық көмек көрсетілетінін хабарлады. Сонымен қатар, Карачиден Лахорға ұшқан FL-842 жекеменшік әуе компаниясының ұшағы қатты дауылға тап болып, кері қайтуға мәжбүр болды.
Дауылдан кейін Пенджабта төтенше жағдай жарияланып, төтенше шаралар қолға алынды. Билік табиғи апаттан зардап шеккен аймақтарға көмекті күшейтуді тапсырды.
Айта кетейік, бұған дейін Пәкістанда тағы бір қайғылы оқиға — жанкешті мектеп автобусын жарып жіберу фактісі тіркелген еді.
Кілтсөздер: Пәкістандағы дауыл, табиғи апат, Пенджаб, Лахор, зардап шеккендер, төтенше жағдай
Фото: inform.kz сайтынан алынды