Бул тууралуу EurasiaPluse маалымат агенттиги билдирди.
Turmush — Бүгүн, 26-май күнү Ош облусундагы милиция кызматкерлери мектептерде акыркы коңгуроо салтанатында коопсуздукту камсыздап жатышат. Бул тууралуу Ош облустук Жол кыймылынын коопсуздугун камсыздоо бөлүмүнүн басма сөз кызматы билдирди.
Маалыматка караганда, облус боюнча 534 мектепте боло турган акыркы коңгуроодо 1000 чукул кызматкер коомдук коопсуздукту камсыздашууда. Анын ичинен 108 кызматкер жол тескөөчүлөр. Эс алуучу жайларга жана тоолуу аймактарга баруучу автожолдорго 43 пост уюштурулуп, жаратылыш койнуна өз алдынча эс алууга барууну каалаган балдар көзөмөлгө алынууда.
Ар бир райондо күндүзгү жана түнкү кайгуулдардын тобу түзүлүп, укук бузууларды аныктоо боюнча иш алып барып жатышат.
Ал эми Ош ШИИБдин басма сөз кызматынан билдиргендей, таңкы саат 06:30дан тартып Ош ШИИБдин өздүк курамы коомдук тартипти сактоо үчүн шаар аймагына кызматка чыгышты. Милиция кызматкерлери шаардагы салтанат өтө турган мектептерге бөлүнүштү. Ага катар эле шаар аймагында милициянын күчөтүлгөн кайгуул кызматы иштейт. Шаардан четиндеги бардык жолдордо атайын милициянын посту иштейт. Башкармалыктын кызматкерлерине тиешелүү кошумча нускамалар берилди.
Сүрөт: akipress.org сайтынан алынды