Бұл туралы EurasiaPluse ақпарат агенттігі хабарлады.
Әлем бойынша қате қойылған диагноздар шамамен 10 пайыз науқастың өліміне себеп болады екен. АҚШ-та бұл көрсеткіш тіпті өлім себептері арасында алдыңғы қатарда тұр. Сол себепті зерттеушілер диагноз қою процесіне жасанды интеллектіні қосып, оны дәрігерлерге кеңесші ретінде пайдалануды ұсынып отыр.
Жақында жүргізілген зерттеуге сәйкес, жансақтау бөлімінде жасанды интеллекттің диагноз қою дәлдігі 79,7 пайызға жеткен. Ал тәжірибелі мамандарда бұл көрсеткіш 75,9 пайыз болған. Әсіресе уақыт аз, толық медициналық тарих қолжетімсіз, күрделі жағдайларда жасанды интеллект мейлінше тиімді нәтиже берген.
Дегенмен, жасанды интеллект диагноз қою сапасын айтарлықтай жақсартпаған, өйткені көп жағдайда дәрігерлер оның қорытындыларына сенімсіздік танытады.
Айта кетейік, бұған дейін Алматыдағы Кардиология және ішкі аурулар ғылыми-зерттеу институтында коронарлық артерияларды зерттейтін жасанды интеллектпен жабдықталған жаңа буын тамырішілік ультрадыбыс (ТІУДЗ) жүйесі клиникалық тәжірибеге енгізілді.
Кілт сөздер: жасанды интеллект, диагноз, медициналық диагностика, медицинадағы инновация, ультрадыбыстық зерттеу, медициналық технология.
Фото: inform.kz сайтынан алынды