Бу ҳақда EurasiaPluse ахборот агентлиги хабар берди.
Фото: Тошкент вилояти ИИББ
Тошкент халқаро аэропортида 22 ёшли қизни Санкт-Петербург шаҳрига фоҳишаликка юбормоқчи бўлган аёл ушланди. У қизни алдаб, катта пул топишга ишонтирган.
Тошкент халқаро аэропортида қизни фоҳишаликка юбормоқчи бўлган аёл далилий ашёлар билан қўлга олинди, дея хабар бермоқда Тошкент вилояти ИИББ.
Маълум бўлишича, Ангрен шаҳрида яшовчи 54 ёшли аёл Х.Т. ўзига таниш бўлган 22 ёшли қиз З.А.ни алдаб, катта пул топишга ишонтириб, Россиянинг Санкт-Петербург шаҳрига фоҳишалик учун олиб кетмоқчи бўлган.
Аёл ва қизнинг Россияга бориш учун йўл ҳақи ва бошқа харажатлари Санкт-Петербургда яшовчи Зуля исмли аёл томонидан қопланган. Бунинг эвазига қиз кейинчалик фоҳишалик билан шуғулланиши керак бўлган. Шунингдек, аёл қизни етказгани учун ундан маълум миқдорда ҳақ олишга келишган, дейилади хабарда.
Ҳозирда ушланган шахсга нисбатан Жиноят кодексининг 135-моддаси (Одам савдоси) 2-қисми «а», «з» бандлари билан жиноят иши қўзғатилган ва тергов ҳаракатлари олиб борилмоқда.
Фото: gazeta.uz сайтидан олинди