Бу ҳақда EurasiaPluse ахборот агентлиги хабар берди.
Фото: Зуҳриддин Умурзаков / ЎзА
Венгриянинг учта фармацевтика компанияси — Gedeon Richter, Egis ва Meditop Ўзбекистонда шартнома асосида ишлаб чиқариш ва маҳаллийлаштиришни йўлга қўйишни режалаштирмоқда, деди Фармацевтика агентлиги раҳбари Абдулла Азизов.
Венгриянинг учта компанияси билан пудрат асосида ишлаб чиқаришни йўлга қўйиш, маҳаллийлаштириш ва сармоя киритиш бўйича келишувларга эришилди. Бу ҳақда Фармацевтика тармоғини ривожлантириш агентлиги директори Абдулла Азизов «Ўзбекистон 24» телеканалига берган интервьюсида маълум қилди.
Унинг сўзларига кўра, Венгриянинг йирик ишлаб чиқарувчилардан бири, йиллик ишлаб чиқариш ҳажми 2 миллиард доллар бўлган Gedeon Richter ҳозирданоқ Ўзбекистонга 36 миллион долларлик дори воситалари етказиб бермоқда. У венгрия компанияси билан шартнома асосида ишлаб чиқаришни йўлга қўйиш режалаштирилаётганини таъкидлади.
«Биринчи босқичда биз бешта дори номидан бошлашни режалаштирганмиз, келгусида эса клиник протоколларимизни қайта кўриб чиқиш ва янги турдаги дори воситаларини киритиш ниятидамиз, бунинг натижасида Gedeon Richter дори воситаларини ишлаб чиқаришни кенгайтиришни хоҳлаймиз», — деди агентлик раҳбари.
Келишувга эришилган яна бир фармацевтика компанияси — Egis Pharmaceuticals’нинг етказиб бериш ҳажми тахминан 6−7 миллион долларни ташкил этади. Корхона Ўзбекистонга 30 дан ортиқ турдаги дори воситаларини экспорт қилади. Мазкур корхона билан Ўзбекистонда ҳам пудрат ишлаб чиқаришни ташкил этиш режалаштирилган.
Фармацевтика агентлиги Венгриянинг яна бир дори ишлаб чиқарувчиси Meditop Pharmaceutical билан бир йил давомида музокаралар олиб бормоқда. Ишлаб чиқаришни маҳаллийлаштиришни режалаштирган ва 16 та дори воситасини республикада рўйхатдан ўтказган. Бунга параллел равишда маҳсулотга бўлган талаб даражасини аниқлаш учун маркетинг тадқиқотлари олиб борилади. Натижалар ижобий бўлса, корхона Tashkent Pharma Park кластерида ишлаб чиқаришни бошлайди.
2023 йил август ойида Meditop бош директори Акс Золтан компания Тошкентда ёки Тошкент вилоятида завод қуришни режалаштираётганини айтганди. Инвестициялар ҳажми 20−50 миллион доллар атрофида бўлиши кутилган эди.
Аввалроқ Венгрия Ўзбекистонда АЭС учун қуруқ совутиш тизимлари ишлаб чиқаришни йўлга қўйишни режалаштираётгани хабар қилинганди.
Фото: gazeta.uz сайтидан олинди