Ош шаарында №3 троллейбус каттамы күзүндө ишке кирет

Turmush — Бүгүн, 27-май күнү Ош шаарынын мэри Жеңишбек Токторбаев №3 троллейбустук каттамга мезгил кутучасын салды.

Шаар мэри каттам күз айына даяр болуп каларын билдирди. 

«Бул тролейбустук мамычалар 2013-жылы токтоп калган. Бул жол Г.Айтиев көчөсү менен Б.Осмонов көчөсүнө бурулуп Р.Абдыкадыров көчөсү менен жогору чыгат. Ушул аймакта 80 миң калк жашайт. Буюрса мамычалар орнотулуп калса транспорт менен камсыз кылабыз. Бул долбоорго Бишкектен алып келинген мамычалар, троллейбустар бар акча каражаты бөлүнгөн. Буюрса күз айына чейин бүтүп калат. Канча каражат каралганын азырынча айтпай тура берейин. Жергиликтүү бюджеттен бөлүнүп бары такталгандан кийин толук маалыматты беребиз», – деди Ж.Токторбаев.

№3 троллейбустук каттам төмөнкү көчөлөр менен каттайт.

1. Б.Осмонов көчөсү;

2. Р.Абдыкадыров көчөсү;

3. Амир-Тимур көчөсү;

4. Г. Айтиев көчөсү;

5. К. Датка көчөсү;

6. Джинах көчөсү;

7. Ленин көчөсү;

8. Бахапова көчөсү;

9. Озгур 1-к;

10. ОшТУ;

11. Бахапова көчөсү;

12. Ленин көчөсү;

13. Джинах көчөсү;

14. К. Датка көчөсү;

15. ОУДТ;

16. Ленин көчөсү;

17. Г. Айтиев көчөсү.