Бұл туралы EurasiaPluse ақпарат агенттігі хабарлады.
Бразилия президентінің денсаулығы нашарлап, барлық ресми кездесулерден бас тартуға мәжбүр болды. 79 жастағы Лула да Сильва бас айналуына шағымданған соң, сараптама жүргізіліп, дәрігерлер оған толық демалыс ұсынды. Қазіргі уақытта мемлекет басшысы Президент сарайында ем қабылдап жатыр.
Естеріңізге сала кетейік, 2024 жылдың қазан айында Лула да Сильва резиденциядағы ванна бөлмесінде құлап, басынан жарақат алған болатын. Медициналық қорытындыға сәйкес, оның басының артқы жағында жарақат анықталып, ми шайқалуы және аздаған қан кету тіркелді.
Желтоқсан айында президент ауруханаға түсіп, басындағы жарақатына байланысты дәрігерлер «интракраниалды қан кету» диагнозын қойды. Соның нәтижесінде Лула да Сильваға краниотомия жасалып, гематома дренаждалды. Кейін тағы бір операция жасалып, президент бірнеше күн ауруханада емделді.
Кілтсөздер: Лула да Сильва, Бразилия президенті, денсаулығы, бас жарақаты, аурухана, операция, президенттің жағдайы.
Фото: inform.kz сайтынан алынды