Әсет Матаев Telegram-арнасында 2016 жылы өзіне және әкесіне қарсы қозғалған қылмыстық істің астарлы жақтары мен сол кезеңдегі шенеуніктердің әрекеті туралы ашық жазды.
Оның айтуынша, сол кезде Қаржы полициясы төрағасының орынбасары болған Талғат Татубаев олардан Қылмыстық кодекстің 65-бабы — «Қылмыстық жауапкершіліктен белсенді өкіну арқылы босату» бойынша кінәні мойындауды ұсынған.
Бұл ұсынысты қабылдап, сол отбасыға қарсы куәлік бергендер қатарында – Жоғарғы соттың баспасөз қызметінің бұрынғы жетекшісі Болат Кальянбеков, «Казахтелеком» вице-президенті Маханбетажиев, бұрынғы Ақпарат комитеті басшылары Берсебаев, Казангап, Байбосын және Арпабаев болған. Олардың барлығы белгілі саяси тұлғалар – Нұрлан Нығматулин, Қуанышбек Есекеев, Бауыржан Байбек, Асқар Жұмағалиев және Бағлан Майлыбаев сияқты адамдарға жақын болғаны айтылған.
Кальянбековтың қылмыстық ісі оның «денсаулығына байланысты» бөлек қаралып, 2021 жылы Қаңтар оқиғасы қарсаңында жабылған. Құқық қорғаушы Тамара Калеева Кальянбековтың журналистерге қысым жасауға тырысқанын растаған.
Әсет Матаев Татубаевпен алғашқы кездесуін Астанадағы Сейфуллин көшесіндегі ғимаратта сипаттап, оның заңнан гөрі «түсініктермен» әрекет ететін адам екенін аңғарғанын жазады. Кейін әкесі қамауға алынғанда, Татубаев журналистке хабарласып, істің «жабылатынын» уәде еткенімен, сөзі орындалмаған.
Сол кезеңдегі ақпараттық шабуылдарға «Информбюро» мен «Тенгриньюс» медиалары тартылған. Алайда медиафорумда «Тенгриньюс» жетекшісі Батыр Қазыбаев әкесінен кешірім сұрап, оған материал жариялау бойынша жоғарыдан бұйрық болғанын мойындаған. Әкесі Қазыбаевты «бәрібір жақсы адам» деп бағалаған.
Мақала соңында Әсет Матаев тергеушілер мен судьяларға арнап, әділет пен ар-намыстың мәні туралы ескерту қалдырады:
«Кім кекке сенсе, Құдайға сенбейді. Бірақ әділетсіздік бумерангы кейде қайтып оралады. Татубаевтың отбасына денсаулық, мықты адвокаттар мен сабыр тілеймін. Олар да бір күні СИЗО-дағы суық пен лагерьдегі ұзақ кездесулердің не екенін түсінетін болар.»