Абай облысында 9 заманауи дәретхана орнатылып жатыр
Абай облысының туристік нысандары мен демалыс аймақтарында келушілер үшін жағдай жақсаруда. Облыс аумағында 9 заманауи санитарлық торап орнату жұмыстары жүргізілуде, деп хабарлайды EurasiaPluse.
Атап айтқанда, олардың 3-еуі Алакөл жағалауында, 3-еуі Абай ауданындағы Қарауылтөбе аумағында өтетін мерейтой шараларына орай қойылуда. Тағы 1 дәретхана Жидебайдағы Абай кесенесінің маңына, ал қалған 2-еуі Семей қаласындағы Түйемойнақ аралындағы саябаққа орнатылып жатыр.
Айта кетейік, бұл үлгідегі заманауи дәретханалар бұған дейін Астанада өткен Көшпенділер ойындары кезінде қолданылған. Олар келушілерге қолайлы жағдай жасауға бағытталған.