Бұл туралы EurasiaPluse ақпарат агенттігі хабарлады.
— Егер Канада Америка Құрама Штаттарының 51-ші штатына айналса, салықтарыңызды екі есе азайтуға, әскери күшіңізді әлемдегі ең жоғары деңгейге көтеруге күшті және дана басшы сайлаңыз, — деп мәлімдеді Дональд Трамп. Трамптың айтуынша, Канада АҚШ-тың 51-ші штатына кірсе, автомобиль, болат, алюминий, ағаш, энергетика және басқа да салалар төрт есе дамиды.
Президент Трамп Канада Америка Құрама Штаттарына кірмесе, оны жылына жүздеген миллиард доллармен субсидиялаудың маңызы жоқ екеніне назар аударды.
Трамптың бұл пікірлері Канадада 28 сәуірде басталған кезектен тыс парламент сайлауының аясында айтылды. Дауыс беруге 16 партия қатысып, жеңімпаз саяси күш жетекшісі елдің жаңа премьер-министрі болады.
Алдын ала хабарланғандай, Канадада 28 сәуірде мерзімінен бұрын парламенттік сайлау өткен.
Фото: inform.kz сайтынан алынды