Бу ҳақда EurasiaPluse ахборот агентлиги хабар берди.
Фото: Жиззах ЙҲХБ
Жиззах шаҳрида Tracker ҳайдовчиси бошқарувни йўқотиб, кўп қаватли уй тагидаги савдо дўконига келиб урилди. Оқибатда ҳайдовчи шифохонада вафот этди.
Жиззах шаҳрида савдо дўконига келиб урилган Tracker ҳайдовчиси вафот этди, дея хабар бермоқда вилоят ЙҲХБ.
Қайд этилишича, ҳолат 24 апрель куни соат 06:08 атрофида Жиззахлик маҳалласи ҳудудида содир бўлган.
39 ёшли Tracker ҳайдовчиси бошқарувни йўқотиб, кўп қаватли уй биринчи қаватидаги савдо дўконининг кириш жойига келиб урилган.
Оқибатда у ўта оғир аҳволда шифохонага етказилган. Бироқ кўрсатилган ёрдамга қарамасдан ҳайдовчи вафот этган.
Ҳолат юзасидан Жиззах шаҳар ИИБ тергов бўлими томонидан терговга қадар суриштирув ҳаракатлари олиб борилмоқда.
Фото: gazeta.uz сайтидан олинди