Бул тууралуу EurasiaPluse маалымат агенттиги билдирди.
Turmush — 29-апрель күнү Ысык-Көл облусунун Тоң районунда Улуу Жеңиштин 80 жылдыгына карата масштабдуу иш-чара болуп өттү, деп билдирет аймактык кабарчы.
Маалыматка караганда, бул иш-чара Улуу Жеңиштин тарыхый маанисин эскерүү, баатырларды урматтоо жана жаш муунга патриоттук тарбия берүү максатында уюштурулду.
Ага Ысык-Көл облусунун ардагерлер кеңешинин төрагасы С.Кооманов, Тоң райондук мамлекеттик администрациясынын башчысы—акимдин орун басары Г.Шаршенбек кызы, райондук ардагерлер, жаштар уюмдары жана мекеме-ишканалардын жетекчилери, эмгек жамааттары катышты.
Жүрүш маалында согушта курман болгон баатырлар эскерилип, гүлчамбар коюлуп, Куран окулду.
Бул сыяктуу иш-чаралар Улуу Жеңиштин маанисин жана тарыхый эстеликтерди сактап калуу үчүн чоң мааниге ээ. Элибиздин эрдигин, кайратмандыгын даңазалаган бул жүрүш тарыхта дагы бир маанилүү баракча катары калды.
Сүрөт: akipress.org сайтынан алынды