Бұл туралы EurasiaPluse ақпарат агенттігі хабарлады.
Оңтүстік Корея премьер-министрі Хан Док Су үкімет ғимаратындағы қысқа рәсімнен кейін қызметінен кетті. Алдағы күндері ол президент сайлауына ресми түрде қатысатынын жарияламақ. Бұл жаңалық Оңтүстік Кореядағы саяси ахуалға айтарлықтай әсер етті.
Бүгін елдегі төрт ірі әлеуметтік зерттеу институты ұйымдастырған сауалнама нәтижелері жарияланды. Соның қорытындысы бойынша, президент сайлауында Біріккен демократиялық партиясының үміткері Ли Чжэ Мен 42% көрсеткішпен көш бастап тұр. Екінші орында – 13% дауыс жинаған Хан Док Су. Ал «Халық күші» партиясының кандидаттары Хан Дон Хун мен Ким Мун Су сәйкесінше 9% және 6% қолдау жинаған.
Сауалнамаға қатысушылардың 2%-ы Жаңа реформа партиясының үміткері Ли Чжун Сокті қолдайтындарын көрсеткен.
Айта кетейік, бұған дейін Оңтүстік Кореяның бұрынғы президенті Мун Чжэ Инге пара алу бойынша айып тағылып, сотқа берілгені хабарланған болатын.
Кілтсөздер: Оңтүстік Корея, президент сайлауы, Хан Док Су, Ли Чжэ Мен, әлеуметтік сауалнама, саяси ахуал, партия, үміткер.
Фото: inform.kz сайтынан алынды