Бұл туралы EurasiaPluse ақпарат агенттігі хабарлады.
Қазақстан мен Өзбекстан арасында жаңа әуе рейсі ашылды
Қазақстан мен Өзбекстан арасындағы әуе байланысы нығая түсті. Екі ел арасындағы жаңа тұрақты әуе рейсі зиярат және туризм саласын жандандырып, биыл Қазақстаннан Өзбекстанға баратын туристер саны 3 миллионға жетуі мүмкін.
Жаңа рейстер аптасына екі мәрте — бейсенбі және жексенбі күндері орындалады. Әуе кемесі Нұр-Сұлтаннан (Астана) ұшып шығып, Түркістанда 40 минут аялдайды, кейін Самарқандқа бағыт алады. Бұл жаңа бағыт саяхатшылар мен қажыларға зор мүмкіндік береді.
Сондай-ақ, жақын арада Өзбекстаннан Қазақстан мен Қытайға жаңа автобус бағыттары ашылатыны хабарланған болатын. Алдағы уақытта Астана мен Самарқанд арасында тікелей пойыз қатынасы іске қосылуы мүмкін. Бұған қоса, Қазақстан мен Өзбекстанды жалғайтын жаңа теміржол желісі де салынып жатыр.
Айта кетейік, Өзбекстан президенті Шавкат Мирзиёев болашақта екі ел шекарасын жеке куәлікпен кесіп өту мүмкіндігі енгізілетінін мәлімдеген.
Бұл жаңалықтар Қазақстан мен Өзбекстан арасындағы туристік әлеует пен көлік қатынасын жаңа деңгейге шығарары сөзсіз.
Кілтсөздер: Қазақстан Өзбекстан әуе рейсі, туристік бағыт, зиярат туризм, Түркістан, Самарқанд, теміржол, шекара, пойыз, автобус, жеке куәлік.
Фото: inform.kz сайтынан алынды