Бул тууралуу EurasiaPluse маалымат агенттиги билдирди.
Turmush — Чүй облусунун Кемин районунда Бишкек—Нарын—Торугарт айланма жолунда унаа жол кырсыгы катталып, жеңил унаа күйүп кетти. Бул тууралуу аймактык кабарчыга күбөлөр билдиришти.
Күбөлөрдүн айтымында, окуя 1-май күнү болгон.
Ал эми Чүй ОИИБ боюнча ЖКККБнын басма сөз кызматы төмөнкүлөрдү билдирди.
«2025-жылдын 1-май күнү саат 04:30 чамасында Бишкек—Нарын—Торугарт унаа жолунун 89-чакырымында жол кырсыгы катталды. “Mercedes-Benz Sprinter-311” жүк ташуучу унаасын айдап бараткан 2001-жылы туулган Н.у.А. күн батыштан күн чыгышты көздөй бара жаткан.
Ошол учурда карама-каршы тилкеден келе жаткан жеңил унаа — “Mercedes-Benz” үлгүсүндөгү автоунаа менен кагышкан. Анын айдоочусу 1992-жылы туулган А.А.М. болгон.
Кырсыктын кесепетинен “Mercedes-Benz Sprinter 311” айдоочусу Н.у.А. жүзүн көгөртүп, терисинен жаракат алган.
Жеңил унаанын айдоочусу А.А.М., анын жүргүнчүсү — 2001-жылы туулган М.Э.М., ошондой эле жүк ташуучу унаанын жүргүнчүлөрү — 2003-жылы туулган Н.у.Э. жана 2010-жылы туулган К.К.К. Токмок шаарынын ооруканасына жеткирилген.
Тилекке каршы, “Mercedes-Benz” жеңил унаасынын дагы бир жүргүнчүсү — 1990-жылы туулган Б.у.Ж. кырсыктан каза болгон», – деп айтылат маалыматта.
Сүрөт: akipress.org сайтынан алынды