Бұл туралы EurasiaPluse ақпарат агенттігі хабарлады. Пәкістан аймақтағы шиеленістің ушығуына және Үндістан мен Пәкістан арасындағы қатынастың күрделенуіне байланысты Біріккен Ұлттар Ұйымының Қауіпсіздік Кеңесінен Джамму мен Кашмирдегі жағдайға қатысты шұғыл жабық консультациялар өткізуді сұрады. Бұл туралы Пәкістанның БҰҰ-дағы тұрақты өкілі Асим Ифтихар Ахмед мәлімдеді. Оның айтуынша, аймақтағы жағдайдың күрт нашарлауы халықаралық бейбітшілік пен қауіпсіздікке елеулі қауіп төндіруде.
Айта кетейік, 22 сәуірде Үндістанның бақылауындағы Джамму мен Кашмирдің Пахалгам ауданында орын алған қарулы шабуыл салдарынан 26 адам көз жұмып, бірнеше адам жарақат алды. Бұл оқиға Кашмир мәселесінің өзекті екенін тағы да көрсетті.
Кілтсөздер: Кашмир, Үндістан мен Пәкістан, Джамму, қарулы қақтығыс, Қауіпсіздік Кеңесі, БҰҰ, аймақтық шиеленіс.
Фото: inform.kz сайтынан алынды