Бул тууралуу EurasiaPluse маалымат агенттиги билдирди.
АКИpress – Россиянын президенти Владимир Путин «Россия. Кремль. Путин. 25 жыл» аталышындагы даректүү тасма үчүн берген маегинде өзүнөн кийин бийликке келе турчу адам ким болушу мүмкүн деп дайыма ойлонорун айткан.
Бирок ал билдирүүсүндө чечим калк тарабынан кабыл алына турганын белгилеген. Путин талапкер боло турган адамдын потенциалын тыкыр баалап чыгарын айтып, бирок президенттин чечими акыркы чечим болбой тургандыгын кошумчалаган.
«Шайлоого чейинки технология деген бар, административдик ресурс бар, бирок акыр аягында тандоо шайлоочулардын, россиялыктардын аркасында. Элдин ишенимине татыбаган адам олуттуу иш алып бара албайт. Бул бир принципке таянган маселе», – деген ал.
Путин өлкөдө шайлоочулар тандоосун жасай алгыдай бир же бир нече компетенттүү талапкер болушу керектигин кошумчалаган.
Сүрөт: akipress.org сайтынан алынды