Бул тууралуу EurasiaPluse маалымат агенттиги билдирди.
Turmush — Ош шаарынын Көкүм-Бий көчөсүндөгү мыйзамсыз менчиктештирилген №18 бала бакча мамлекетке кайтарылды.
Ош шаардык муниципалдык менчик башкармалыгынын башчысы Мирлан Казыбай уулу билдиргендей, буга чейин 40 социалдык объект — 20 мектеп, 20 бала бакчаны кайтаруу иштери башталган.
«Бул иштер 3-4 жыл мурун башталган. Бүгүнкү күндө так саны канча экенин билбейм, жакында эле бул кызматка дайындалдым.
Аталган иштер Аскар Акаевдин 1995-жылы чыгарган жарлыгына ылайык жүрүп жатат. Ал жарлыкта “социалдык объекттер жеке менчикке берилсе да, өз багытында иштетилсин” деген жери бар. Ошол жеке менчикке берилип, бирок өз багытында иштетилбей жаткан социалдык объекттер боюнча иш алып барабыз. Мисалы, Ош гуманитардык педагогикалык университети бир имаратты факультет кылган экен. Биз айткандан кийин жеке менчик бала бакча багытында иштетип жатат. Биз башка багытта иштетилип жаткан объекттерге алдын ала эскертебиз, эгер ага макул болбосо, сот аркылуу кайра муниципалдык баланска алуу иштери жүрөт»,- деди ал.
Шаардык мэриянын басма сөз кызматы кабарлагандай, 280 орунду болгон бала бакчаны капиталдык оңдоп-түзөөдөн өткөрүү иштери жүрүүдө.
Сүрөт: akipress.org сайтынан алынды