Бұл туралы EurasiaPluse ақпарат агенттігі хабарлады.
Туберкулезбен күресте маңызды ғылыми жетістікке қол жеткізілді
Report басылымы мәлімдегендей, халықаралық ғалымдар тобы туберкулезді зерттеуде үлкен жетістік жасады. Ғалымдардың зерттеу нәтижелері Proceedings of the National Academy of Sciences (PNAS) журналында жарияланды.
Зерттеушілер туберкулез қоздырғышының жасуша қабырғасындағы маңызды компонент – ManLAM гликанын анықтаудың жаңа әдісін ойлап тапты. Оксазиридин молекуласын пайдалану арқылы ғалымдар аталған гликанды нақты әрі айқын визуализациялап, иммундық жасушаларға жұққан сәтіндегі өзгерістерін бақылап отырды.
Бұл инновациялық әдіс туберкулез бактерияларын инфекциядан кейін бірнеше күн бойы бақылауға мүмкіндік береді. Бұрынғы болжамдарға қарамастан, гликандар бактерия жасушасының қабырғасында сақталатыны дәлелденді. Бұл технология туберкулез инфекциясының таралу механизмін зерттеуде жаңа көкжиектер ашады.
Айта кетейік, бүгінгі таңда туберкулезді анықтауда қолданылатын рентгендік және молекулалық тестілер дамушы елдерде әрдайым қолжетімді бола бермейді. Жаңа тәсіл зәрді жедел тексеруге және ауруды ерте анықтайтын тиімді әдістерді әзірлеуге мүмкіндік береді. Сонымен қатар, бұл технология ұзаққа созылатын бактерия өсіру үдерісіне балама болмақ.
Еске салсақ, Орталық Азияның бес мемлекеті туберкулезге қарсы бастама декларациясына қол қойған болатын. Бұл қадам аймақта туберкулезбен күрестің жаңа деңгейге көтерілуіне себеп болады.
Кілт сөздер: туберкулез, туберкулезді анықтау, туберкулезге қарсы күрес, туберкулездің жаңа әдісі, ManLAM гликаны, ғылыми жаңалық, инфекция, диагностика.
Фото: inform.kz сайтынан алынды