Бу ҳақда EurasiaPluse ахборот агентлиги хабар берди.
Фото: Friedrich Merz / X
ХДИ/ХСИ консерватив блоки етакчиси Фридрих Мерц иккинчи уринишда Германия канцлери этиб сайланди. Унинг номзодини 325 депутат қўллаб-қувватлади. Германия тарихидаги ўнинчи канцлерга айланаётган Мерц энди коалицион ҳукуматни бошқаради.
ХДИ/ХСИ консерватив блоки етакчиси Фридрих Мерц Германия канцлери этиб сайланди, дея хабар бермоқда Deutsche Welle.
Бундестаг иккинчи уринишда унинг номзодини маъқуллади. Мерцни 325 депутат қўллаб-қувватлади, зарурий миқдор 316 эди.
6 май куни бўлиб ўтган овоз беришнинг биринчи босқичида Мерц мутлақ кўпчилик овоз ололмаганди. У 310 та ёқловчи овоз тўплаган. Deutsche Welle`нинг қайд этишича, бу ГФР тарихида биринчи шундай ҳолат бўлди.
Энди Мерц Германия тарихидаги ўнинчи канцлерга айланади. У Германия социал-демократик партияси билан коалицион ҳукуматни бошқариши керак бўлади.
Фото: gazeta.uz сайтидан олинди