Бул тууралуу EurasiaPluse маалымат агенттиги билдирди.
Turmush — Чүй облусунун аймагында жолдун жээгинде мыйзамсыз соода-сатык жана күйүүчү май саткандарга катуу чаралар көрүлүүдө. Бул тууралуу аймактык кабарчыга Чүй ОИИББ боюнча ЖКККБнын басма сөз кызматы билдирди.
Маалыматка караганда, Чүй ОИИББ боюнча ЖКККБнын жол көзөмөлдөө бөлүмүнүн кызматкерлери тарабынан 30-апрелден 15-майга чейин «Соода-сатык» аталышындагы рейддик иш-чара өтүүдө.
«Рейдтин максаты — жол жээктерин иретке келтирүү, жол жээгинде күйүүчү май саткан жарандарга Укук бузуулар кодексинин 179-беренесинин 1-бөлүгүнө ылайык жарандарга 3000 сомдон айып пул салынып, бардыгы болуп, 99 000 миң сом айып пул салынды.
Андан сырткары, жабдыктары жок кооптуу жүк (ГСМ) ташыган 4 айдоочуга Укук бузуулар кодексинин 195-беренесинин 2-бөлүгүнө ылайык 70000 миң сомго айып пул салынды. Бүгүнкү күндө Салык кызматкерлери менен биргеликте 7000 литр күйүүчү май алынып, тийиштүү мекемелерге өткөрүлүп берилди.
Урматтуу жарандар жолдун жээгине туруп мыйзамсыз соода-сатык, күйүчү май сатууга жана коопсуздук жүктү уруксаты жок ташууга болборун эскертебиз жана суранып кетебиз.
Жол жээгин иретке келтирүү максатында мындай иш-чаралар уланат», – деп айтылат маалыматта.
179-берене. Автомобиль жолдорунун бөлүү тилкесин сактоо эрежелерин бузуу
1. Тиешелүү органдар менен макулдашпастан жол жээгиндеги тилкелерде, соода түйүндөрүн, тамактануу пункттарын, сервистерди куруу жана уюштуруу же жарнама такталарын, паннолорду, афишаларды, транспаранттарды, көрнөктөрдү, плакаттарды, белгилерди, көрсөткүчтөрдү орнотуу – жеке жактарга 30 (3000 сом) эсептик көрсөткүч, юридикалык жактарга 130 (13 000 сом) эсептик көрсөткүч өлчөмүндө айып пул салууга алып келет.
195-берене. Кооптуу жүктөрдү ташуу эрежелерин бузуу
2. Айдоочунун кооптуу жүктөрдү ташуу эрежелерин же автомобиль жолдору, көчөлөр же темир жол өткөөлдөрү аркылуу ири габариттүү же болбосо оор салмактуу транспорт каражаттарынын жүрүү эрежелерин бузуусу, – жеке жактарга 175 (17 500 сом) эсептик көрсөткүч өлчөмүндө айып пул салууга алып келет.
Сүрөт: akipress.org сайтынан алынды