Бул тууралуу EurasiaPluse маалымат агенттиги билдирди.
АКИpress – Минкаб жана Асыл тукум мал чарба, жайыт жана тоют департаментинин алдындагы «Кыргызмамасылтукумзаводу» мамлекеттик ишканасынын балансында турган Байтик айылындагы жер тилкесин андагы имарат менен кошо «Кыргыз Агрохолдинг» ААКсына жана «АгроСмарт» мамлекеттик мекемесине өткөрүп берди. Бул тууралуу Минкабдын 2025-жылдын 21-апрелиндеги № 324 тескемесинде баяндалат.
Тескемеге ылайык, «Кыргыз Агрохолдингге» Чүй облусу, Аламүдүн району, Байтик баатыр айыл аймагы дарегинде жайгашкан, идентификациялык коддору: 701-14-0028-0048, 701-14-0028-0025, 701-14-0009-0337, жалпы курулган аянты 16676,72 чарчы метр имараттар жана курулмалар жана кыймылдуу мүлк жайгашкан жалпы аянты 1291,133 га жер тилкеси мал чарбасы багытындагы агроөнөр жай комплексин куруу үчүн 49 жылдык мөөнөткө ижарага берилет.
Ал эми «АгроСмартка» идентификациялык коду 701-04-0009-0338 болгон, жалпы курулган аянты 567,20 чарчы метр жана имарат (административдик корпус) жайгашкан жалпы аянты 0,56 га жер тилкеси агроөнөр жай комплекси чөйрөсүндөгү заманбап технологияларды иштеп чыгуу жана ишке киргизүү боюнча агротехнопаркты түзүү үчүн оперативдүү башкаруу укугунда акысыз жана мөөнөтсүз пайдаланууга өткөрүп берилди.
Мамлекеттик мүлктү башкаруу боюнча мамлекеттик агенттигине:
– имараттар, курулмалар жана мүлк жайгашкан жер тилкелерин «Кыргыз Агрохолдинг» ААК жана «АгроСмарт» мамлекеттик мекемеси менен КРнын мыйзамдарына ылайык акысыз мөөнөттүү пайдаланууга келишимдерди түзүүнү камсыз кылуу (акысыз мөөнөттүү пайдаланууга келишимдер пайдалануунун шарттарын сактабаган учурда аларды бузуу жөнүндө шарттарды камтууга тийиш);
– жер тилкелерин кабыл алуу-өткөрүп берүүнү жүргүзүү тапшырылды.
Жер ресурстары, кадастр, геодезия жана картография боюнча мамлекеттик агенттигине жер тилкелерине укуктарды белгиленген тартипте мамлекеттик каттоодон өткөрүү тапшырылды.
«Кыргыз Агрохолдинг» компаниясына төмөнкүлөр сунушталды:
– пайдаланууга берилүүчү жер тилкесинде жайгашкан имараттарды жана курулмаларды колдонуудагы мыйзамдарга ылайык этабы менен демонтаждоону жана бузууну жүргүзүү;
– «Кыргызмамасылтукумзаводу» мамлекеттик мекемесинин балансында турган мүлктү кабыл алууда өзүнчө келишимдин алкагында тиешелүү милдеттенмелерди алуу.
Тескеменин аткарылышын көзөмөлдөө Президенттин администрациясынын президенттин жана Минкабдын чечимдерин аткарууну контролдоо башкармалыгына жүктөлдү.
Сүрөт: akipress.org сайтынан алынды