Бул тууралуу EurasiaPluse маалымат агенттиги билдирди.
Turmush — Ош шаарында окуган чет элдик студенттерге алдын алуу иш-чаралары өткөрүлүүдө.
Ош ШИИБдин басма сөз кызматынын маалыматына караганда, Индия менен Пакистан мамлекеттеринин ортосундагы жаңжалдан улам, Ош шаарынын аймагында окуп жаткан аталган мамлекеттеринин жарандарына түшүндүрүү иш-чаралары өткөрүлүп жатат.
Анда башкармалыктын экстремизмге, мыйзамсыз миграцияга каршы аракеттенүү бөлүмүнүн кызматкерлери, аймактык тескөөчүлөр чет өлкөлүк студенттер окуган жана жашаган аймактарга барышып, алдын алуу иштерин жүргүзүшүүдө.
Аларга өлкө аймагында жергиликтүү мыйзамдарды так сактоону, кандайдыр бир провокацияларга алдырбоону эскертишип, мыйзам алдындагы жоопкерчиликтери тууралуу дагы айтып беришүүдө.
Сүрөт: akipress.org сайтынан алынды