Бұл туралы EurasiaPluse ақпарат агенттігі хабарлады.
7 мамырда Ватиканда католик шіркеуінің жаңа басшысын таңдау мақсатында дауыс берудің алғашқы күні өтті. Алайда, Сикстин капелласының мұржасынан көк түтін шыққан жоқ – оның орнына қара түтін шығып, кардиналдар Рим Папасын әлі анықтамағанын көрсетті.
Бұл күні 133 кардинал Сикстин капелласына жиналды. «Exra omnes!» деген белгі берілген соң, бөгде адамдардың барлығы сыртқа шығарылды. Таңертең конклавқа қатысушылар Әулие Петр соборында месса оқып, кейін салтанатты түрде капеллаға бет алды.
Рим Папасын сайлау конклавта бірыңғай кандидат бекітілгенге дейін жалғасады және бұл бірнеше күнге созылуы мүмкін. Бұған дейінгі 2005 және 2013 жылдардағы конклавтар екі күнге созылған еді. Ал тарихтағы ең ұзақ конклав XIII ғасырда 1006 күнге дейін жалғасқан.
Католик шіркеуінің жаңа басшысын 80 жасқа толмаған кардиналдар ғана сайлай алады. Сондықтан, 252 адамнан тұратын топтың барлығы бұл жолы дауыс беруге қатысқан жоқ.
Бұл сайлаудың жаһандық маңызы мен Рим Папасының таңдалу тәртібі туралы толық ақпаратты Kazinform агенттігінің аналитикалық шолуынан оқи аласыз.
Кілтсөздер: католик шіркеуінің басшысы, Рим Папасы, Сикстин капелласы, конклав, Ватикан, Рим Папасын сайлау, кардинал
Фото: inform.kz сайтынан алынды