Бұл туралы EurasiaPluse ақпарат агенттігі хабарлады.
Пәкістан Үндістанның шабуылын айыптады
Пәкістанның Премьер-Министрі Шехбаз Шариф Үндістанның аймақтағы әрекетін «жазасыз қалмайтын өрескел агрессия» деп атап өтті. Пәкістан тарапы Үндістан әскери күштерінің шабуылы бейбіт ауылдар мен мешіттерге бағытталып, салдарынан 31 адам қаза тауып, олардың қатарында балалар да бар екенін хабарлады. Сондай-ақ, 57 адам түрлі деңгейде жарақат алған.
Үндістан тарапы болса, Пәкістанның бақылауындағы Джамму мен Кашмир аумағына соққы жасағанын растады. Олардың айтуынша, бұл аймақта Үндістанға қарсы террорлық шабуылдар ұйымдастырылып отырған «террористік инфрақұрылымдар» орналасқан.
Пахалгамдағы терактіден кейін Үндістан Пәкістанға қарсы бірқатар жаңа шаралар жариялағанын мәлімдеді. Салдарынан, екі ел арасындағы әскери қақтығыстар күшейіп, қайтыс болғандар саны өсуде.
Бұған қоса, Дональд Трамп Үндістан мен Пәкістан арасындағы қақтығысты шешуге көмектесуге дайын екенін айтты.
Кілтсөздер: Үндістан мен Пәкістан, әскери қақтығыс, Джамму және Кашмир, шабуыл, терроризм, Шехбаз Шариф, Пахалгам, Трамп
Фото: inform.kz сайтынан алынды