Бұл туралы EurasiaPluse ақпарат агенттігі хабарлады.
Солтүстік Корея бірнеше баллистикалық зымыран ұшырды
Солтүстік Корея биылғы наурыздан бері алғаш рет баллистикалық зымыран ұшырды. Оңтүстік Кореяның Штаб бастықтары біріккен комитетінің хабарлауынша, зымырандар Вонсан қаласынан атылып, таңғы сағат 8:10 мен 9:20 аралығында тіркелді. Бұл – қысқа қашықтыққа ұшатын баллистикалық зымырандардың кезекті сынағы.
Зымырандардың бірі шамамен 800 шақырым қашықтыққа ұшып, Жапон теңізіне құлаған. Қазір снарядтардың сипаттамасы мен ұшу траекториясы зерттеліп жатыр, ал оқиға туралы ақпарат АҚШ және Жапония тарабына жедел жіберілген.
Ресми мәлімдемеде: "Оңтүстік Корея мен АҚШ-тың ортақ қорғаныс позициясы аясында біздің әскери күштер Солтүстік Кореяның түрлі әрекеттерін жіті бақылап отырады. Кез келген арандатушылыққа жедел жауап беруге дайынбыз", – делінген.
Еске сала кетейік, биыл 10 наурызда Оңтүстік Корея мен АҚШ бірлескен әскери оқу-жаттығуын бастаған кезде, Солтүстік Корея Сары теңізге қарай тағы бірнеше баллистикалық зымыран ұшырған болатын.
Кілтсөздер: Солтүстік Корея, баллистикалық зымыран, зымыран ұшыру, Жапон теңізі, Оңтүстік Корея, АҚШ, әскери оқу-жаттығу.
Фото: inform.kz сайтынан алынды