Бул тууралуу EurasiaPluse маалымат агенттиги билдирди.
АКИpress – Орусиянын президенти Владимир Путин Чеченстандын башчысы Рамзан Кадыров менен Кремлде жолукту. Бул жолугушуу Кадыровдун кызматтан бошотуу өтүнүчү тууралуу билдирүүсүнөн кийин болду.
Ал эми Кремль жарыялаган маалыматка таянсак, жолугушууда кызматтан кетүү тууралуу сөз болгон эмес.
«Сизди протоколдук иш-чараларга, чет элдик коноктор менен жолугушууларга катышасыз деп ойлоп, чакырдым. Биз сиз менен республикадагы учурдагы кырдаал жөнүндө сүйлөшүү үчүн жолугушууну көптөн бери макулдашканбыз. Кандайсыз, Рамзан Ахматович?», – деди Путин.
Чеченстандын башчысы президентке региондун экономикалык жетишкендиктери, жумушсуздук азайганы тууралуу маалымат берди. Путин менен Кадыров Украинадагы аскердик аракеттерди талкуулашты.
«Албетте, сиз республиканын жетекчиси катары акыркы жылдардагы жасалган иштин жыйынтыгына ыраазы болуп, сыймыктансаңыз болот», – деди Путин Кадыровго кайрылып.
6-майда Кадыров журналисттерге кызматтан бошотуу өтүнүчү тууралуу билдирген. Бирок анын айтымында, акыркы чечимди Россиянын президенти гана кабыл алат.
Сүрөт: akipress.org сайтынан алынды