Бу ҳақда EurasiaPluse ахборот агентлиги хабар берди.
Фото: Bill Gates / Facebook
Бизнесмен ва Microsoft асосчиси Билл Гейтс 20 йил ичида деярли барча шахсий бойликларини ўзининг Gates Foundation хайрия жамғармасига ўтказишга ваъда берди. «Ўлганимдан кейин одамлар мен ҳақимда кўп гапиради, лекин қатъий қарор қилдимки, „у бой ўлган“ улар орасида бўлмайди», — деди у.
Бизнесмен ва Microsoft асосчиси Билл Гейтс 20 йил ичида деярли бутун бойлигини хайрия ишларига беришга ваъда берди. Даромад унинг Gates Foundation фондига ўтказилади. Бу ҳақда Гейтс ўз сайтида маълум қилди.
«Мен кейинги 20 йил ичида бутун дунё бўйлаб одамлар ҳаётини сақлаб қолиш ва яхшилаш учун деярли бутун бойлигимни Гейтс жамғармаси орқали бераман. 2045 йил 31 декабрда эса фонд ўз эшикларини абадий ёпади», — деб ёзди Гейтс.
Гейтснинг айтишича, хайриянинг аниқ миқдори фонд бозорлари ва инфляцияга боғлиқ бўлади, бироқ у 200 миллиард доллардан ортиқ бўлишини кутмоқда.
«Ўлганимдан кейин одамлар мен ҳақимда кўп гапиради, лекин қатъий қарор қилдимки, „у бой ўлган“ улар орасида бўлмайди. Одамларга ёрдам бериш учун ишлатилиши мумкин бўлган ресурсларни ўзимда ушлаб туришим учун ҳал қилиш керак бўлган жуда кўп долзарб муаммолар бор», — изоҳлади Гейтс қарорини.
У бошқа бадавлат кишилар ҳам ундан ўрнак олиб, хайр-эҳсон қилиш суръати ва кўламини оширишига умид билдирди.
Жамғарма, Гейтснинг айтишича, учта мақсадни кўзлайди: олдини олиш мумкин бўлган оналар ва чақалоқлар ўлимини тугатиш, ўлимга олиб келадиган юқумли касалликларни йўқ қилиш ва бутун дунё бўйлаб юз миллионлаб одамларни қашшоқликдан чиқариш.
Gates Foundation — 2000 йилда Билл Гейтс ва унинг собиқ рафиқаси Мелинда Гейтс томонидан асос солинган хусусий жамғарма, у дунёдаги учинчи энг йирик хайрия жамғармаси ҳисобланади. Охирги 25 йил ичида фонд вакциналар ишлаб чиқиш ва турли касалликларга қарши курашиш учун 100 миллиард доллар ажратди.
Фото: gazeta.uz сайтидан олинди