Бу ҳақда EurasiaPluse ахборот агентлиги хабар берди.
8 май куни янги Рим папаси этиб америкалик Роберт Прево сайланди. У тарихда 267-папа ва АҚШдан бўлган биринчи папага айланди.
Сайланганидан кўп ўтмай, янги папа Авлиё Пётр соборининг марказий ойнасида диндорлар олдида кўриниш берди ва у ерда қисқа анъанавий ибодатни бажо этди, деб ёзади Meduza. Бундан олдин кардиналлардан бири анъанага кўра «Habemus papam» деб эълон ўқиди, бу лотинчадан таржима қилинганда «Бизнинг отамиз бор» деган маънони англатади.
Янги папа ўзини Lev XIV деб атади. «У бу исмни танлаш орқали черковнинг ижтимоий таълимотига содиқлигини намоён этмоқда», — дея иезуит шарҳловчисининг сўзларини келтирди Reuters.
Роберт Прево 69 ёшда, чикаголик. У 1982 йилда руҳоний лавозимига тайинланган. Сўнгги икки йил ичида Прево Рим куриясининг епископлик фаолияти ва лотин маросими черковларининг ҳуқуқий мақоми масалалари билан шуғулланадиган эпископлар ишлари бўйича дикастерияга раҳбарлик қилди. Прево, умуман олганда, мўътадил позицияни қўллаб-қувватлайди, аммо у кўплаб ижтимоий масалаларда прогрессив дея ҳисобланади. Франциск сингари, Прево ҳам маргинал гуруҳларни қўллаб-қувватлашга катта эътибор қаратди. «У жуда таъсирчан одам, ҳар бир киши ўз фикрини айтиши учун жон куйдиради», — деган эди у ҳақида Франциск. Янги папанинг атроф-муҳит, камбағаллар ва муҳожирларга ёрдам бериш бўйича қарашлари олдинги папа Францискнинг қарашларига жуда яқин экани айтилмоқда.
Папа тўртинчи уринишда сайланди. 7 май куни папани сайловчи кардиналлар конклави бошланди. Овоз беришда 133 киши иштирок этди, йиғилганларнинг учдан икки қисмидан кўпроғининг овозини олган ҳар қандай киши папа бўлиши мумкин эди.
Конклав ишининг биринчи оқшомида овоз беришнинг бир босқичи, 8 май куни эрталаб эса яна икки босқичи бўлиб ўтди. Уларнинг биронтасида ҳеч ким етарли овоз тўплай олмади, овоз бериш муваффақиятсиз тугаганидан Сикстин капелласининг махсус мўрисидан чиқаётган қора тутун далолат берарди. Тўртинчи раундда папа сайланганида мўридан оппоқ тутун чиқди.
Аввалги Рим папаси Франциск 21 апрелда вафот этган. Франциск 88 ёшда эди.
Франциск (Хорхе Марио Берголо) 2013 йил март ойида Рим папаси этиб сайланган. У бу лавозимда соғлиғи туфайли тахтдан воз кечган Бенедикт XVI ўрнини эгаллаган.
Аргентиналик понтифик ёшлигида касалликдан сўнг ўпкасининг бир қисмини олдириб ташлаган, шунинг учун у тез-тез нафас йўллари касалликлари хуружидан азият чекади, дея таъкидлайди AP. Францискнинг тиззасида ҳам муаммолар бор, шу сабабли у сўнгги йилларда ногиронлик аравачаси ва ҳассадан фойдаланади.
2023 йил март ойида Францискка пневмония ташхиси қўйилган, аммо ўшанда у уч кундан кейин касалхонадан чиққанди.
Фото: gazeta.uz сайтидан олинди