Бул тууралуу EurasiaPluse маалымат агенттиги билдирди.
АКИpress – Жалал-Абад облусунун Сузак районунда «Жалал-Абад» жаңы эл аралык аэропортунун курулушун баштоо пландалууда. Бул тууралуу 9-майда «Манас» эл аралык аэропортунун» басма сөз кызматы билдирди.
Маалыматка ылайык, жалпы аянты 10 миң чарчы метр болгон эки кабаттуу жүргүнчүлөр терминалы 381 гектар аянтка курулат
«Аэропорт саатына 350дөн ашык жүргүнчүнү өткөрө алат. Узундугу 3800 метр болгон учуу-конуу тилкеси, эки буруучу жолчо жана алты аба кемесин токтотуучу жай аэропортко жүргүнчүлөрдү да, жүктөрдү да кабыл алууга шарт түзөт», – деп айтылат билдирүүдө.
Компания аэропорт 4Е категориясына кирерин кошумчалады, бул Boeing 737, Airbus A320 жана A321 сыяктуу ири аба кемелерин кабыл алууга мүмкүнчүлүк берет. Ошондой эле ИЛ-76, Airbus A330, Boeing 767-300 жана башка типтеги жүк ташуучу учактарды сатып алуу пландалууда.
Сүрөт: akipress.org сайтынан алынды