Бул тууралуу EurasiaPluse маалымат агенттиги билдирди.
АКИpress – Индия менен Пакистан ок атууну толугу менен жана дароо токтотууга макулдашты, деп билдирди АКШнын президенти Дональд Трамп «Truth Social» социалдык тармагында.
«Узак түнкү сүйлөшүүлөрдөн кийин Кошмо Штаттардын ортомчулугу менен Индия менен Пакистан ок атууну толугу менен жана дароо токтотууга макулдашканын жарыялоого кубанычтамын», – деп жазган Трамп.
АКШнын мамлекеттик катчысы Марко Рубио билдиргендей, ал вице-президент Жей Ди Вэнс менен бирге акыркы 48 сааттын ичинде Индия менен Пакистандын жогорку даражалуу расмий адамдары менен сүйлөшкөн.
«Мен Индия жана Пакистан өкмөттөрүнүн токтоо жана бейтарап аймакта кеңири сүйлөшүүлөрдү баштоого макул болгонун билдирүүгө кубанычтамын», – деди Рубио.
Ок атууну токтотуу тууралуу маалыматты Пакистандын вице-премьери Исхак Дар өзүнүн X баракчасында ырастады.
«Пакистан менен Индия дароо күчүнө кире турган ок атууну токтотууга макулдашты. Пакистан ар дайым өзүнүн эгемендигине жана аймактык бүтүндүгүнө коркунуч келтирбестен, аймакта тынчтыкка жана коопсуздукка умтулуп келген», – деп жазган ал.
Индиянын тышкы иштер министри Викрам Мисри Индия менен Пакистан 10-май күнү саат 17:00дө (Чыгыш убактысы боюнча) кургакта, абада жана деңизде бардык аткылоолорду жана аскердик аракеттерди токтотот, деп билдирди.
Сүрөт: akipress.org сайтынан алынды