Бул тууралуу EurasiaPluse маалымат агенттиги билдирди.
АКИpress – Быйыл январь-март айларында жумуш учурунда катталган кырсыктардын саны өстү, деп билдирди Эмгек, социалдык камсыздоо жана миграция министрлигинин басма сөз кызматы.
Маалыматка ылайык, Эмгек мыйзамдарын көзөмөлдөө жана контролдоо боюнча кызматы 2025-жылдын биринчи кварталындагы ишмердүүлүгүнүн жыйынтыгын чыгарып, 2024-жылдын ушул эле мезгили менен салыштырганда, текшерүүлөрдүн жана мыйзам бузуу учурларынын саны кыйла өскөнүн аныктаган.
«2025–жылдын январь-март айларында 301 текшерүү жүргүзүлгөн, бул өткөн жылдын биринчи кварталына салыштырмалуу 13%га көп. Аныкталган мыйзам бузуулардын саны кыйла өстү – 316дан 735ке чейин.
Эмгек инспекторлору мыйзам бузууларды жоюу үчүн 145 бузууларды четтетүү тууралуу эскертме жазуу берген. Каралып чыккан өндүрүштүк кырсыктардын саны 38ден 44кө өскөн. Алардын ичинен 32 киши оор жаракат алып, 17си каза болгон.
Ошондой эле салынган айып пулдардын жалпы суммасы да көбөйгөн: 2024-жылы 1,54 млн сом болсо, 2025-жылы 2,19 млн сомду түзгөн. Анын ичинен 1,29 млн сому өндүрүлгөн. Эмгек жаракатынан келип чыккан зыян үчүн төлөнгөн компенсациянын көлөмү 39 млн сомдон ашып, өткөн жылдагы көрсөткүчтөн 3 эсеге көп. Бирок айлык акыны убагында төлөбөгөндүгү үчүн өндүрүлгөн сумма, тескерисинче, 15,4 млн сомдон 5 млн сомго чейин азайган. Бул иш берүүчүлөрдүн эмгек акыны төлөө тартиби жакшырганын көрсөтөт», – деп айтылат маалыматта.
Сүрөт: akipress.org сайтынан алынды