Бул тууралуу EurasiaPluse маалымат агенттиги билдирди.
Turmush — Кечээ, 13-майда Чүй облусунун Кайыңды шаарында бийиктиги болжол менен 55 метр келген темир мамы кулап түштү. Бул тууралуу окуяга күбө болгон тургундар билдиришти.
Алардын айтымында, аталган темир мамы (телевышка) райондук электр тармагынын аянтчасында жайгашкан.
«Биз билгенден, бийиктиги 55 метрге чамалаган темир мамы 1978-жылдары орнотулган. Анын эскилиги жетип, чирип баштагандыктан, учурда жараксыз абалда болчу. Ошондуктан ал кооптуу жагдай жаратып турган. Кечээ, 13-майда саат 15:00 чамасында жеке тараптар манипулятор менен көтөрүп, алып салуу аракетин көрүп жатканда чириген темир мамы кулап түштү», – дешет күбөлөр.
Ал эми өздүк булактар маалымдагандай, темир мамыны алуу учурунда айдоочу жеңил жаракат алган. Ага дарыгерлер тарабынан алгачкы медициналык жардам көрсөтүлгөн. Учурда анын абалы жакшы.
Иш жеке тараптар тарабынан жүргүзүлгөн.
Окуянын чоо-жайы такталууда.
Сүрөт: akipress.org сайтынан алынды