Бул тууралуу EurasiaPluse маалымат агенттиги билдирди.
Turmush — Жалал-Абад шаарында Кыргызстан менен Өзбекстандын спортчулары биргелешип машыгууда. Бул тууралуу шаардык балдар, өспүрүмдөр спорт мектебинин директорунун орун басары Айбек Ешимбетов билдирди.
Анын айтымында, машыгууга коңшу Өзбекстандын Бухара шаарынан 22 бала жана алардын машыктыруучулары келген.
«Азыркы тапта биздин спорт мектебинде эл аралык деңгээлдеги машыгуу өтүп жатат. Ага 2 өлкөнүн олимпиадалык резерв мектептеринде тарбияланган, спорттун грек-рим күрөшү боюнча азиялык жана дүйнөлүк мелдештерге тандалып алынган 70тей бала машыгууда. Окутуулар 10-15 күндөй улантылат», – деди Ешимбетов.
Мындан сырткары ал коңшу өлкөнүн спортчуларын бүгүн президенттин Жалал-Абад облусундагы ыйгарым укуктуу өкүлүнүн орун басары Урматбек Самаев кабыл алганын кошумчалады.
Жалал-Абад шаардык балдар, өспүрүмдөр спорт мектебинде бүгүнкү күнү 800дөн ашуун бала баскетбол, волейбол, футбол, бокс, стол үстүндө теннис, эркин күрөш, грек-рим күрөшү, тогуз коргоол, ордо жана каратэ-до боюнча машыгат.
Сүрөт: akipress.org сайтынан алынды