Бұл туралы EurasiaPluse ақпарат агенттігі хабарлады.
Тәжікстанда әлеуметтік желілердегі лүпіл мен репост үшін жауапкершілік жойылды
Тәжікстанда әлеуметтік желілерде лүпіл басу немесе репост жасау үшін жазалауды көздейтін Қылмыстық кодекстегі бап алынып тасталды. Ел президенті Эмомали Рахмон бұл өзгерістерді бекітіп, тиісті заңға 14 мамыр күні қол қойды. Бұл туралы «Азаттық радиосы» хабарлады.
Заңға енгізілген өзгерістер лаңкестікті насихаттауға немесе интернетте терроризмді ақтауға қатысты баптарға ғана әсер етеді. Бұған дейін, 2018 жылдан бері, Тәжікстанда әлеуметтік желідегі ең аз белсенділік үшін азаматтар 10 жылдан 15 жылға дейін бас бостандығынан айырылуы мүмкін еді.
«Азаттық радиосы» дерегінше, қазіргі уақытта Тәжікстанда әлеуметтік желідегі пікірлері мен реакциялары үшін 1500-ден астам адам түрмеде отыр. Тәжікстан бас прокурорының орынбасары Умед Каримзоданың айтуынша, бұл көрсеткіш Орталық Азиядағы басқа елдерге қарағанда әлдеқайда жоғары.
2024 жылдың көктемінде президент Эмомали Рахмон «адамдарды тек интернеттегі белсенділігі үшін жазалауға болмайды» деп, бұл тәжірибені тоқтатуды ұсынған еді. Сәуір айында елдің парламенті бұл өзгерістерді толық қолдады.
Айта кетейік, өткен жылы Тәжікстанда ұлттық мәдениетке сай емес киім киюге де тыйым салынған болатын.
Кілтсөздер: Тәжікстан, әлеуметтік желі, лүпіл, репост, Қылмыстық кодекс, заң өзгерістері, интернеттегі белсенділік, Эмомали Рахмон, Азаттық радиосы, Орталық Азия.
Фото: inform.kz сайтынан алынды