Бул тууралуу EurasiaPluse маалымат агенттиги билдирди.
Turmush — 12-май күнү Ош шаарында 2-класстын окуучусун «Хендай Портер» унаасы тебелеп кетип каза болду. Бул тууралуу өздүк булактар билдирди.
Маалым болгондой, кырсык шаардын Кулатов кичи шаарчасындагы Алтыбаев мектебинин жанында болгон.
Ош ШИИБдин басма сөз кызматынан билдиргендей, окуя саат 19:40тар чамасында болгон. 2016-жылы туулган Э.А.ны Б.Осмонов көчөсүндө «Хендай Портер» унаасынын айдоочусу койдуруп кетип, окуучу каза болуп калган. Окуучуга экспертиза дайындалган. Ата-энеси арыз жазуудан баш тарткан. Унаанын айдоочусу 2005-жылы туулган Н.Д. экени такталган. Учурда тергөө иштери жүрүүдө.
Ош ШИИБи боюнча милициянын кайгуул кызматынан билдиргендей, айдоочу өз билемдик менен жөө адамдар басуучу жолдо унаасын айдаган.
«Оңдоп-түздөө иштерине байланыштуу жол жабык. Унаанын айдоочусу жөө адамдар жүрүүчү жол менее унаасын айдап, окуучуну койдуруп кеткен. Жерине кызматкерлер барып, тиешелүү материалдарды топтоп, айдоочуну тергөө кызматына өткөрүп берген», – деп айтылат маалыматта.
Сүрөт: akipress.org сайтынан алынды