Бул тууралуу EurasiaPluse маалымат агенттиги билдирди.
АКИpress – Казакстандын биринчи президенти Нурсултан Назарбаевдин жубайы Сара Назарбаева каза болгону тууралуу маалымат чындыкка дал келбейт. Бул тууралуу Назарбаевдин катчысы Айдос Укибай «X» социалдык түйүндөгү баракчага жазды.
«Сара Алпысовна ооруканада дарыланып жатат», – деп белгиледи ал.
Назарбаева каза болгону тууралуу маалымат 14-майда бир катар «Telegram-каналдарда» пайда болгон. Ал эми Назарбаева ооруканага жаткырылганы тууралуу маалыматтар май айынын башында пайда болгон.
Сара Назарбаева (мурдагы фамилиясы — Конакаева) 1941-жылы 12-февралда Караганда облусунда туулган. Ал мектепти аяктагандан кийин экономист адистигин алган. Назарбаев менен 21 жашында таанышкан. Алардын 3 кызы бар — Дарига, Динара жана Алия.
1992-жылы Назарбаева (бул учурда анын жолдошу Казакстандын президенти болчу) «Бөбөк» балдар кайрымдуулук фондун негиздеген. 1994-жылдан тарта ал «SOS — Казакстандын балдар айылдары» фондунун президенти, 1999-жылдын мартынан тарта «Демография» фондунун камкорчулар кеңешинин төрайымы.
2023-жылы Нурсултан Назарбаев «Менин өмүрүм» аттуу эскерүүсүндө экинчи үй-бүлөсү бар экенин мойнуна алган. Анын айтымында, 2000-жылы «Казакстан сулуусу» сынагынын катышуучусу болгон Асел Исабаева ага Тауман жана Байкен аттуу эки уул төрөп берген.
Сүрөт: akipress.org сайтынан алынды