Бул тууралуу EurasiaPluse маалымат агенттиги билдирди.
АКИpress – 8-майда “Торугарт” өткөрүү пунктунун кытай тарабында Кыргыз Республикасынын Мамлекеттик бажы кызматынын төрагасынын биринчи орун басары У.Кимсанов жетектеген делегация менен Кытай Эл Республикасынын өткөрүү пункттарын башкаруу боюнча мамлекеттик канцеляриясынын өкүлү жолукту.
Кыргыз делегациясынын курамына Тышкы иштер министрлигинин, Чек ара кызматынын, Экономика жана коммерция министрлигинин, Транспорт жана коммуникация министрлигинин, ошондой эле президенттин Нарын облусундагы ыйгарым укуктуу өкүлчүлүнүн аппаратынын өкүлдөрү кирди.
Жолугушуунун алкагында тараптар кыргыз-кытай чек арасындагы өткөрүү пункттарынын, тактап айтканда «Торугарт», «Эркечтам» жана «Бедел» өткөрмө пункттарынын иштешине, модернизацияланышына жана аларды өнүктүрүүгө тиешелүү маселелерди карашты. Катышуучулар өткөрүү жөндөмдүүлүгүн жогорулатуу, жүктөрдү тариздөө жол-жоболорун тездетүү, санариптик технологияларды киргизүү жана коштоочу инфраструктураны – логистикалык, ошондой эле сервистик инфраструктураны жакшыртуу зарылдыгын талкуулашты.
Айрыкча тышкы сооданын көлөмүнүн өсүшүнө жана сезондук активдүүлүккө байланыштуу өткөрүү пункттарынын туруктуу жана үзгүлтүксүз иштешин камсыз кылууга көңүл бурулду.
Мындан тышкары Кыргызстандан Кытайга айыл чарба продукциясын экспорттоону кеңейтүү жана КЭРдин санитардык жана фитосанитардык талаптарын сактоо маселелери талкууланды.
Өз ара аракеттенүүнүн оперативдүүлүгүн жогорулатуу максатында тараптар Мамлекеттик бажы кызматы менен Үрүмчү шаарынын бажы органдарынын ортосунда байланыш офицерлерин дайындоого макулдашты. Бул тыгыз координациялоону, пайда болгон маселелерди өз убагында чечүүнү жана чек арага жакын аймактарда өз ара аракеттенүүнүн сапатын жогорулатууну камсыз кылат.
Сүрөт: akipress.org сайтынан алынды