АҚШ-тың республикашыл сенаторы Линдси Грэм Мәскеуді Украинадағы соғысты тоқтату үшін нақты қадамдар жасауға шақырып, керісінше жағдайда ресейлік энергия тасымалдаушыларын сатып алатын елдерге 500 пайыздық баж салығы енгізілетінін ескертті. Бұл туралы ол The Wall Street Journal басылымына жазған мақаласында мәлімдеді.
📌 Сенатордың айтуынша, АҚШ әскерінің Ауғанстаннан шығарылуы елдің халықаралық беделіне нұқсан келтіріп, әлемде агрессияны күшейткен.
«Бұған нүкте қою үшін бізге шешімді көшбасшылық қажет. Украина бейбіт келісімге дайын екенін білдіріп отыр, ал Ресей сылтау айтудан жалықпайды», – деп жазды Грэм.
🔻 Ресеймен сауда жасайтын елдерге қысым
Сенатордың айтуынша, егер Кремль тарапынан әрекет болмаса, АҚШ Сенаты Ресейге қарсы жаңа санкциялар заңын қабылдауға дайын. Бұл заң:
-
Ресейден энергия тасымалдаушыларын (мұнай, газ) сатып алатын кез келген елге 500%-дық баж салығын енгізеді;
-
Бұл санкциялар Ресейді халықаралық саудадан оқшаулайды;
-
Егер Қытай мен Үндістан ресейлік арзан мұнайдан бас тартса, Путиннің әскери күші әлсірейді.
«Ресейдің басқыншылығы үшін оны қолдайтындар да жауапты болуы керек», – деп жазды сенатор.
📊 Грэмнің айтуынша, бұл бастамаға Сенаттың 82 мүшесі қолдау білдіріп отыр (АҚШ Сенатында барлығы 100 мүше бар).
Трамптың мәлімдемесі: Путин есінен адасты
Кейін Дональд Трамп та мәлімдеме жасап, Путинді қатты сынап, Ресейге қарсы санкция салу мүмкіндігін қарастырып жатқанын айтты:
«Ол көптеген жазықсыз адамдарды өлтіріп жатыр. Бұл жай ғана әскер туралы емес — дрондар мен зымырандар бейбіт қалаларға бағытталып отыр. Путин бүкіл Украинаны басып алғысы келеді, ал егер ол мақсатына жетсе, бұл Ресейдің құлдырауына әкеледі!» – деді Трамп.