Бұл туралы EurasiaPluse ақпарат агенттігі хабарлады.
АҚШ заңсыз иммигранттарды өз еркімен елден кетуге ынталандырады
АҚШ билігі заңсыз мигранттарды елден өз еркімен кетуге ынталандыруды қолға алды. Федералды агенттік жаңа бастаманы жариялады: енді illegal иммигранттар CBP Home қосымшасын қолданып, елден өз бетімен шыққандарын растаса, 1000 доллар көлемінде ақшалай сыйақы алады.
Ішкі қауіпсіздік министрі Кристи Ноэм бұл шараны өзін-өзі депортациялаудың ең тиімді, қауіпсіз әрі арзан жолы деп атап өтті. Ресми дерекке сүйенсек, АҚШ салық төлеушілері заңсыз әр мигрантты күштеп депортациялауға орта есеппен 17 121 доллар жұмсайды. Жаңа өздігінен қайту бағдарламасы арқылы шығынды 70%-ға қысқартуға мүмкіндік бар.
Вашингтондағы Көші-қон саясаты институтының дерегінше, биылдың өзінде 5 мыңға жуық иммигрант CBP Home қосымшасы арқылы өз еркімен кету туралы өтініш берген. 2025 жылдың басынан бастап бұл қосымша 300 мың рет жүктелген.
Айта кетейік, наурыз айында Трамп әкімшілігі CBP One деп аталған ескі платформаны жаңартып, оған 200 миллион доллар бөлді. Ендігі атауы — CBP Home.
Дональд Трамп билікке келсе, депортация шешіміне бағынбайтын мигранттарға күніне 998 доллар айыппұл салып, оны төлемесе, мүлкін тәркілеу жоспарларын қарастырып жатқанын хабарлаған едік.
Кілтсөздер: заңсыз иммигрант, АҚШ депортация, CBP Home, мигранттарға сыйақы, өзін-өзі депортациялау, АҚШ көші-қон, заңсыз көші-қон.
Фото: inform.kz сайтынан алынды